【幕後玩家】龔嘉欣遇小三爆喊 親身經歷特別投入:全部真眼淚

撰文:
最後更新日期:

韓劇《南海傳說》有全智賢、李敏鎬主演,氣勢如虹,但想不到昨晚令網友洗版的是《幕後玩家》的龔嘉欣,她連續三場喊戲被網友激讚,好多網友都讚她有演技,甚至有女觀眾自稱「喊住睇」,男網友話睇得心噏。

劇中老公有小三,想不到現實中的龔嘉欣亦有類似經歷,她接受《香港01》電話訪問時說:「過咗嘅事就唔好提,經一事就長一智,遇到呢啲經歷未必唔好,遇到呢啲嘢你會先明白自己想要咩?可能係好事,畀一個經歷自己,早啲知好過遲啲知。解決唔到嘅時候先知就仲衰。我身經百戰㗎喇。」但是那位賤男令嘉欣BB受傷呢?嘉欣BB就唔想多講啦!

龔嘉欣早前被指介入坤哥和王卓淇戀情,但最後坤哥力撐龔嘉欣不是小三。(微博圖片)

龔嘉欣原來受過小三折磨,但早前反而被指捲入坤哥同王卓淇的戀情,雖然事後坤哥力撐龔嘉欣為人,但她表示都有為這事不開心,她說:「唔開心一定有,我係一個女仔,將來我都要有家庭,要結婚,我都要諗將來嘅另一半點睇我呢?我以前覺得自己無做過就得,原來唔係㗎,我屋企人都要受到啲閒言閒語,佢哋唔係娛樂圈嘅人,唔應該受呢啲嘢困擾。」

 

【幕後玩家】黃宗澤為錢奸到盡:30幾歲人仲做偶像派咩?

【幕後玩家.劇透】黃宗澤利慾薰心害死陸永 搶人妻黃翠如正人渣 

(龔嘉欣昨晚有四場喊戲,場場都看得觀眾心碎。(網上截圖)

龔嘉欣一連兩晚令網友喊爆,演技受到肯定,原來每逢拍攝這些喊戲前,她都要閉關,她說:「我全部真眼淚㗎,唔用眼藥水,我拍攝前都常會匿埋一陣,唔同人傾偈,我要好集中,譬如尋晚同Bosco嗰場戲,我拍之前就匿埋喺廠,帶住耳筒,諗返劇中同Bosco嘅所有開心事,照讀對白就已經好有感覺,之後埋位1 take過就可以,同阿聰嗰場我就匿埋喺海邊,我roll機前已經喊到收唔到聲,喊到講唔到對白。阿聰同Bosco係好對手,拍完都會鼓勵下我。」

龔嘉欣喊戲全部真眼淚,單係這招淚功,已經不是其他花旦可以做到。(網上截圖)

龔嘉欣今次演技得到肯定,但當初這個角色的第一人選原來是姚子羚,她說:「拍呢套劇係臨危受命,我突然先知要拍,我其實冇時間做功課,捱得一場得一場,雖然呢啲所謂執二灘,我冇所謂,因為呢個角色我好鍾意,我唔會理我係第幾人選,總之叫到我做,我就搏老命做好佢。」

昨晚22集是龔嘉欣個人表演,網友大讚她做得好演技了得。

嘉欣曾公開承認跟鄧健泓拍拖。(TUNGSTAR)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。