盤點無綫轉會邵氏藝人 視帝王浩信都簽約究竟有乜著數?
樂易玲近年兼任邵氏電影執行董事及總經理，吸納唔少昔日愛將過檔或加盟，隨著邵氏近年與不少內地影視平台合作，拍劇之集又可以打入內地市場，再加上有傳邵氏嘅自主度較高，對一眾小生、花旦來說確係吸引，重點係做生不如做熟、換個合作模式一樣可以拍無綫劇。
即投「01最賞睇娛樂大獎」兼答簡單問題，被選中內容最精彩、令人印象深刻及令人產生共鳴的答案，就有機會贏最新5G手機12 Pro，按此即投贏巨獎！
黃宗澤
黃宗澤在2016年時直認將離巢外闖，當時他曾放風表示有意與邵氏合作。2017年初，黃宗澤宣布成為邵氏人，並在活動上直呼樂小姐做阿媽，又話「人得一個，命得一條，你要點割就點割。」足證兩人關係密切。
王浩信
近年有傳無綫為造就王浩信再奪視帝，故延播陳展鵬嘅《唐人衙》，屬真屬假無人只，但王浩信深受無綫嘅寵愛確係事實。近日《踩過界II》熱播當中，身為主角嘅王浩信卻北上賺人仔而缺席香港嘅宣傳活動。原來王浩信今年已加盟邵氏，並即獲北上拍劇機會，難怪可以唔使留港宣傳。
陳智燊
藝員訓練班出身嘅陳智燊，2019年約滿離開無綫，雖然他近來主力與老婆宋熙年做KOL，不過原來他於2019年已成為邵氏藝人。
吳岱融
2015年，吳岱融回巢加入無綫，並簽了六年藝員合約。翌年因《巨輪II》嘅播出，令吳岱融人氣急升，而他原來已在2017年成為邵氏旗下藝人。
張兆輝
無綫藝員訓練班出身嘅張兆輝，2013年離巢後，北上賺人仔，同時亦參與不少香港的電影拍攝，2017年加入邵氏兄弟，並演出劇集《飛虎之潛行極戰》，同年他亦有為無綫拍劇如《全職沒女》、《黃金有罪》
陳瀅
模特兒出身嘅陳瀅，2013年成為無綫藝人，自2014年拍完《女人俱樂部》後即被器重，至2018年陳瀅終與模特兒公司完約，並宣布加盟邵氏。
林夏薇
林夏薇在2018年宣布離巢，並表示打算全心照顧老公及生B，但休息期間，林夏薇因不斷收到演出邀請，令她戲癮再起，故決定簽約邵氏出山。
李施嬅
去年四月，李施嬅宣布結束與無綫15年賓主關係，曾參與加拿大劇集《Blood and Water》透露有意到外國發展，甚至已簽約外國嘅經理人公司。不過，隨著《金宵大廈》大受歡迎，加上續集開拍，李施嬅喺今年亦成為邵氏旗下藝人。
胡定欣
去年有傳轉投古天樂旗下，主力發展電影嘅胡定欣，今年11月在IG發文宣布自己約滿離巢無綫，並同時宣布加入邵氏，繼續同樂小姐保持友好關係。
岑麗香
香香在2018年發文宣布離巢，不過由於佢加盟由王祖藍主理嘅「手工藝創作公司」係邵氏子公司，變相令香香成為邵氏藝人。