錢國偉出殯|林曉峰:今日係祝福佢得到一個好好嘅完結

撰文:鄺鈺瑩
出版:更新:
林曉峰表示:「好多呢行或者Wilson身邊嘅人,最燦爛人生係有Wilson幫,而Wilson燦爛人生亦有我哋份,所以我哋會互相支持,唔存在幫與唔幫。」(陳順禎攝)

金牌監製錢國偉今年10月底因胰臟癌病逝,終年58歲。今日於沙田寶福紀念館舉行大殮儀式,儀式全程閉門進行。有份扶靈嘅林曉峰於儀式結束後接受傳媒訪問,他表示:「大家都係開心咁陪Wilson去走最後一段路,大家對於佢都係好唔捨得,但係……由佢最後一個階段,又或者我咃從溫返佢所有片段時,睇到佢係好有鬥爭,同埋想帶開心比大家嘅一個好好朋友,所以今日係祝福佢得到一個好好嘅完結。」

林曉峰透露西式靈車是錢國偉的好友特意安排,並謂:「希望佢走得靚同好好」(陳順禎攝)

問到遺孀陳宛蔚以及女兒的情緒如何,林曉峰表示一定會感到不捨,但為了令Wilson安心離開,所有親人都會互相支持,並謂:「我哋係以farewell party同肥仔講拜拜,同埋所有朋友、親人都會盡承諾去支持大家,唔係話邊個照顧邊個,係支持。」陳宛蔚日前表示將復出工作,問林曉峰會否幫忙搭路,他認為對方目前最重要是整理好心情,才可迎接未來的挑戰

錢國偉遺孀陳宛蔚有意工作,林曉峰與朋友都認為可以一步一步來,最重要先調整好心情。(陳順禎攝)

此外,林曉峰又透露在火化儀式進行前,會場播放了一些錢國偉昔日的訪問,以及不少與好友的合照,而背景音樂選用了王力宏嘅《落葉歸根》:「係佢好鍾意嘅一首歌,亦好代表代到佢同我哋嘅一個完整關係。」