陳樂榣逆市開新鋪揾陳定邦選扯擺風水陣：呢間鋪十日就搵到
撰文：吳子生
出版：更新：
前女子組合Freeze成員陳樂榣（Alley），2010年組合解散後，13年開始搞網上首飾生意，婚後生埋女更同老公成立自家品牌首飾，生意越做越有。Alley今日（14/12）為銅鑼灣新店舉行開幕禮，更邀請圈中好友陳潔玲、黎燕珊及郭秀雲等人到場站台支持，場面氣氛熱鬧。
在「疫市」環境下，Alley由細鋪搬大鋪。（陳順禎攝）
Alley透露新鋪特意找來堪輿學家陳定邦幫手選扯睇風水：「因為呢個時勢，一定要好好去投資，係唔可以亂嚟。而且呢間鋪用咗十日時間就搵到，仲要係最好心水嗰間。」在「疫市」環境下，Alley直言生意難免會受到影響：「之前間鋪地方比較細，係人流方面疏導比較麻煩，因為啲客覺得地方細，唔願意係門口排隊等，所以而家搬個地方大啲，啲客就會覺得行得安心啲。」
Alley透露新鋪特意找來風水師選扯擺風水陣。（陳順禎攝）