陳潔玲提告鍾舒漫男友林灝軒誹謗:我冇話過佢性騷擾嗰啲事!

撰文:
最後更新日期:

Christy透露22日會親身到小額審裁處應訊。(陳順禎攝)

陳潔玲(Christy)今日(14/12)現身銅鑼灣出席珠寶新店開張活動。提到遭生意拍檔歌手鍾舒漫入稟小額審裁處追討四萬元款項,Christy 表示本月22日將會親身出庭應訊:「因為額錢債唔係法庭,唔可以委派律師代表自己,不過嗰日主要都係傾吓偈,講吓誰對誰錯。而我嘅律師都正理晒相關嘅資料,亦都出咗律師信畀對方,咁所以現在雙方都只係透過律師去溝通。」

Christy今日孖住男友出席活動。(陳順禎攝)

就鍾舒漫男友Steve Lam 指控她周圍唱他性騷擾一事,Christy直言會控告對方誹謗:「我而家搵咗律師處理緊,因為聲譽好重要,而佢又講咗好多唔係事實嘅嘢,而且又去到咁嚴重嘅指控,咁所以我一定會告佢。」Christy 續說:「早幾日我整理番同佢嘅WhatsApp對話紀錄時,先發現到啱啱識佢嘅時候,佢就同我話被《耀永娛樂》走數,仲話講幫呢間娛樂公司去非洲進行拍攝工作,仲畀人屈佢性騷擾,當初我識佢嘅時候,就不斷講緊呢啲嘢。一年過去,到今日調返轉話我走佢數,跟住話我屈佢性騷擾,咁所以大家自行判斷一下,點解呢個人不斷好似地獄輪迴咁,將呢樣嘢套落我身上。對我嚟講,我冇話過佢性騷擾嗰啲事。」

Christy 透露會控告鍾舒漫男友 Steve Lam誹謗。(陳順禎攝)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。