樂易玲有意幫黃心穎復出 爆仲有人工喺TVB未出:下次我會帶畀佢

撰文:賴家杰
出版:更新:

現任電視廣播有限公司助理總經理(藝員管理及發展)、邵氏電影執行董事及總經理的樂易玲今天(19日)出席馬浚偉的教育中心開幕禮,近日有關黃心穎穎遭無綫綁死8年長約,令她零工作、零收入,樂小姐對此事表示:「我上個禮拜有約佢一齊食早餐,睇佢近況點,佢有咩想法,因為有成年幾兩年,我都想睇下佢心情點,我見到佢好Fit,佢Ok喎。」

樂小姐表示有關心心穎動向。(梁碧玲攝)

樂小姐再說心穎暫時無意回到幕前工作:「大家都明,要出嚟工作,都要人哋觀眾接受,如果唔出嚟又要畀觀眾話,個件事又翻炒就無謂,你見大家都有美滿生活,唔單單係佢,呢件事都淡忘,自己都有自己生活,好似佢呢個缺口大家都想關心下佢,再諗清楚跟住點做。」

心穎仲有機會復出。(IG@jacquelinebwong)

有指心穎零收入,會否考慮與她提出結束合約,好讓她轉行工作,樂小姐直言:「冇必要即刻講分手,希望再約佢出嚟再詳細講。我仲記得我返去Check過,佢仲有一啲人工隨時返嚟拎,我諗下次我會帶畀佢,私人數就唔講,同埋佢以前工作量唔少。」

立即重溫黃心穎7年藝人路:

+8