阮兒曾反覆生蛇醫足兩年 至今仍留下疤痕:一年裏面生咗十幾次

撰文:
最後更新日期:

現年33歲的阮兒(Chloe)在2006年參選港姐後入行,雖然她曾在2012年離巢,但在2014年重返TVB後拍攝了不少劇集,近年在劇集《金宵大廈》及《十八年後的終極告白》中的演出更大獲讚賞,無論是飾演同志舞女莎莎,抑或是一人分飾兩角,阮兒的演出都令人印象深刻。近日阮兒在節目《星光路上》上大談入行以來的心路歷程,更提及曾一年生十幾次蛇的慘痛經歷。

阮兒在2006年參選港姐後入行。(YouTube影片截圖)

阮兒與尹詩沛在劇集《金宵大廈》中分別飾演舞女莎莎同芳芳,兩人之間的一段情令人感動。(IG@yuenyeechloe)

阮兒坦言自己近兩三年來轉變很大,而反覆生蛇更令她險些毀容,更一度陷入人生低潮:「我係一年裏面生咗十幾次蛇,有一期都唔開心嘅,因為生咗喺塊面度,都比較嚴重。」阮兒在接受《香港01》訪問時直言患病期間非常辛苦:「係16、17年嘅事,嗰種感覺係有啲俾火燒嘅感覺,好似灼傷咁,好痕好辛苦。除咗面之外,腰嗰度係最嚴重嘅。反反覆覆主要都係情緒問題,食嘢唔定時啦,嗰陣時我都Keep住拍劇,只不過我會好厚妝,化妝都冚到嘅。」

阮兒在節目《星光路上》中提及反覆生蛇的慘痛經歷。(YouTube影片截圖)

藝人工作不定時壓力又大,免疫力容易變差,黎瑞恩就曾在去年8月於社交平台自爆生蛇,病情反覆。(Facebook@黎瑞恩)

為了醫病,阮兒遍尋名醫,最後花了近兩年才康復:「我睇過十間八間皮膚科醫生,去到最後佢係叫我睇心理專家,覺得我情緒可能唔係咁穩定呀,最後我係打咗支防蛇針,打完之後真係冇再生。」雖然病情有好轉,但就留下了不少疤痕:「啲印褪唔到,18年尾開始打咗好多次Laser,真係做咗年幾兩年先開始減輕咗少少。而家最主要係不停做運動,身體先會好,以前都會節食,但而家減肥只可以係做運動減。我生咗咁多次蛇,身體會sense(感覺)到幾時會變差,好細微嘅signals(跡象)我就會即刻瞓覺,或者食好多supplements(營養補充品)。」

阮兒坦言以前會節食減肥,但現時為了身體着想,她只會透過做運動來健康Keep Fit。(IG@yuenyeechloe)

幸好阮兒在養病期間一直有男友衛志豪(Michael)在身邊陪伴:「我覺得我好唔靚,上唔到妝,但係佢會一路喺我隔離話『唔係呀,你好靚呀』,所以我覺得喺我咁唔靚、咁冇自信嘅時候,佢都會喺我隔離,所以我好感激佢。」雖然Michael比阮兒年長12年,但兩人拍拖三年以來一直好甜蜜,阮兒更曾在IG公開放閃:「多謝你永遠都喺我最冇信心嘅時候俾信心我,多謝你喺我最病嘅時候陪住我,多謝你陪我度過抑鬱困擾嘅難關,多謝你抽時間幫我影咗咁多靚相,多謝你是最好的。」阮兒更笑言家人對Michael非常滿意,希望他們快點拉埋天窗!

阮兒與衛志豪(Michael)拍拖三年以來一直甜蜜。(IG@yuenyeechloe)

+28
+28
+28

同場加映:朱敏瀚擁英國血統自細高顏值 15位鮮為人知的混血兒藝人

+46
+46
+46


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。