麥玲玲教路戴「金」催人氣 一頭金髮蘇皓兒：舊年先開始睇風水
撰文：吳子生
出版：更新：
麥玲玲同蘇皓兒（Chloe）今日（28/1）現身將軍澳出席《新春市限定店》活動。講到Chloe來年桃花運，麥玲玲表示：「桃花方面係有，但就唔係好正式，本身佢嘅命桃花都旺。其實佢本身係唔適宜做好熱門嘅嘢，做一啲偏鋒嘢就容易出位。（Chloe有冇機會攞獎？）佢而家有幾套出緊，希望佢突圍而出。」
Chloe聽完麥玲玲師傅意見後，將一頭黑髮染上金色。（葉志明攝）
對於麥玲玲未有直接回應得獎與否，Chloe坦言未有想太多：「其實自己都想儲多啲作品先，咁如果有就當然好啦！風水命理自己本身都信，喺舊年嘅時候先開始睇風水，而玲玲師傅就話我欠『金』，咁我就戴多啲金飾，而且近來我又帶咗啲水晶，都希望催旺人緣同事業。」
麥玲玲話Chloe本身命格桃花旺。（葉志明攝）
+2