陀槍師姐|魏駿傑婚變獨力照顧女兒 滕麗名認冇晒回憶：真係可憐
撰文：吳子生
出版：更新：
滕麗名（阿滕）今日（1/2）現身將軍澳電視城出席無綫熱播劇集《陀槍師姐2021》宣傳造勢活動。阿滕相隔17年後，再次飾演「陳三元」此角色，日前劇情講到她要面對程峰（舊愛魏駿傑飾）已死的事實，連場獨腳喊戲感動人心，獲網民大讚演技超晒班。
阿滕表示同魏駿傑很久沒聯絡。（梁碧玲攝）
阿滕表示：「其實我個人都幾咁眼淺，都幾容易入情緒。平時嘅情緒都幾咁超級大起大跌，其實喊戲我諗Tvb識我嘅人都知我係『水喉』嚟。如果可以book定嘅話，想我滴眼淚幾時流都得嘅。（呢套劇有冇勾起你同舊愛嘅回憶？）咁又冇喎，哈哈！真係可憐呀！通常唔開心嘅嘢，都會好自動洗晒好耐，呢啲嘢人會係咁嘅！（彼此仲有冇聯絡？）冇。（魏駿傑婚變，有冇睇相關報道？）冇呀，我真係唔知。」
滕麗名連場獨腳喊戲感動人心，獲網民大讚演技超晒班。（梁碧玲攝）