人妻朱慧敏拒絕以老公老婆相稱：因為佢都冇叫我做老婆！
撰文：吳子生
出版：更新：
王賢誌（Vinci)同朱慧敏(Queenie）今日（4/2）現身粉嶺聯和墟出席派米活動。Queenie剛成為人妻，笑言感覺得意：「我成日同陳醫生（丈夫）講雖然係多咗個身份，但係我依然係朱小姐。其實我之前未結婚嘅時候，我都有問佢過年時我派利是派姓朱，加派姓陳，佢都話冇問題。因為我覺得現代女性有自己嘅身份，咁唔係話我冇咗自己嘅身份，係人哋邊個邊個，只係我多咗陳家嘅新抱身份，佢都好認同。」
王賢誌同朱慧敏今日現身粉嶺聯和墟出席派米活動。（陳順禎攝）
問到改口叫老公未？Queenie笑說：「因為佢都冇叫我做老婆，不過佢會叫我做太太，其實由細到大都唔明點解要叫老公老婆，大家都唔老，又唔係阿公，又唔係阿婆！」Vinci在旁笑說：「呢個就係廣東話嘅典故啦！」
Vinci希望Queenie盡快造人成功。（陳順禎攝）
+2