家務戰場︱Kathy仔無懼素顏出鏡 獲封「世界第一」:係世界唯一

撰文:陳芷穎
出版:更新:

ViuTV真人騷節目《家務戰場》請來邱晴、王頌茵(Kathy仔)、陳婉婷(Hebe)、馬俊怡(Rose Ma)、貝依霖(Chantale)以及伍詠詩挑戰各種不同的家居任務。六位女生無論在做家務,又或是下廚方面都顯得非常狼狽,不少觀眾直言睇到「眼火爆」。之不過鬧還鬧,有一位參賽者卻深得網民歡心,不單只被稱為女神,更被吹捧為「世界第一」,她就是現年26歲的王頌茵(Kathy仔)。

王頌茵(Kathy仔)不單只被稱為女神,更被吹捧為「世界第一」。(IG/ @k_thyy)

節目中,Kathy仔雖然曾將麥皮煮到泥漿一樣,不過做家務方面卻多了一份淡定。Kathy仔接受《香港01》訪問時坦言私底下很少做家務,不過卻會從媽媽和婆婆身上偷師:「其實平時私底下做家務嘅次數就真係唔多,不過由細到大都睇住媽媽同婆婆做家務煮飯,就有學到啲基本知識。」

Kathy仔第一次參演真人騷既要接觸不擅長的範疇,更無懼以素顏出鏡,她希望觀眾從節目中可以看到多方面的自己:「真人Show真係第一次,素顏嗰下真係(抱頭Emoji)。我希望觀眾睇完《家務戰場》,除咗我傻下傻下嗰邊之外,都可以知道我有認真啦、嬲啦、炆啦嘅一面。」與邱晴同房的她又有沒有被對方激親,她就大賣關子:「想知我有冇俾邱晴激親,繼續睇就會知。」

點撃睇Kathy仔素顏以及與邱晴煮早餐過程:

+23

對於被稱為「世界第一」,Kathy仔感謝網民支持,不過她笑言更希望大家稱呼她為「世界唯一」:「好多謝網民畀咗依個稱號我,不過我會認我係世界唯一既Kathy仔。其實Kathy仔真係只此一個,世界第一可以有好多個。」她認為自己傻更更的性格是網民喜歡的原因之一:「多謝佢哋咁鍾意我,我諗係因為我成日傻傻地掛,而有啲就係欣賞我好大膽咁去靈探。」

除「世界第一」外,Kathy仔亦有「女版姜濤」的外號,她說有面對面與姜濤談論此話題,不過卻一致認為二人不似樣:「女版姜濤就真係咁啱短髮某一啲角度似,我同佢都面對面傾過依個問題,我哋一致認為唔似。」

家務戰場︱邱晴被狠批為「老鼠屎」 節目組另類安慰:叻唔使搵你

除「世界第一」外,Kathy仔亦有「女版姜濤」的外號。(IG/ @k_thyy)

Kathy仔於2018年加入ViuTV,比起同期的藝人如沈殷怡(Shirley)等,她的知名度卻相對較低。Kathy仔說大家的發展路向不同,很難作出比較,自己的事業目標就是做女主角:「正所謂人比人,比死人嘛。大家各有各發展,冇得咁樣比較。如果你話目標我緊係想做到女主角,但係前提係要好好繼續努力學更多唔同方面嘅嘢,咁先可以向目標進發。」

點撃睇更多Kathy仔靚相:

+5