陳楨怡踩單車沿途欣賞靚風景　食極唔肥大騷小蠻腰

在新冠肺炎疫情影響下，不少人都選擇去到郊野行山，呼吸新鮮空氣，而近日亦有不少藝人都響應潮流，同大家一起行山避疫。不過其實除了行山之外，踩單車都是假日消閒的活動之一，日前應屆港姐亞軍陳楨怡（Celina）在IG Post了一系列靚相，並寫道：「就黎（嚟）到新年，最近食多左（咗）甜野（嘢）同已經食左（咗）一個月嘅蘿蔔糕。除左（咗）行山，踩下單車都唔錯，由沙田出發沿住科學園踩到大埔路線唔係太長都幾輕鬆、人又唔多沿途都可以影到靚風景。離遠沿海仲見到一群白鷺。」相中穿上Crop Top的Celina大騷小蠻腰，身形Fit爆！