樂易玲預告曾志偉大年初一見大家：佢會派利市!
撰文：吳子生
出版：更新：
邵氏兄弟控股有限公司執行董事樂易玲（樂小姐）今日（9/2）現身電視城出席myTVsuper《師父有請》記者會。提到今早有指Tvb副總理曾志偉同無綫行政總裁李寶安分別先後腳入電視城返工開大會，樂小姐表示：「其實志偉佢噚日已經返咗嚟，仲要係佢第一次參與開會，而佢有好嘅idea，佢都會提出，咁所以佢全日都喺度開會，仲開會開到好夜。」
樂小姐透露年初一曾志偉會現身會晤傳媒。（葉志明攝）
另外講到有網民猜測曾志偉回巢無綫，是透過樂小姐背後發功促成今次成果。樂小姐表笑言：「邊有咁流傳呀？我未見過喎。你係咪嚇我呀！如果我發功佢要簽返藝員合約就得，哈哈！但係佢幾年都冇簽我哋喇。但今次我真係唔敢簽返志偉做藝人，因為佢已經係我哋嘅高層嚟。不過嚟緊初一佢會同大家見面，到時佢會派利市畀你哋，到時你哋可以直接問佢攞第一手資料。」
樂小姐表示志偉年初一會大派利是。（葉志明攝）
+1