陀槍師姐2021|何依婷肉搏鄭俊弘 被摸勻全身:希望唔使再坐大髀

撰文:鄺鈺瑩
出版:更新:
身為社團話事人女友,當然係要坐大髀啦,唔通坐沙發咩。(影片截圖)

何依婷近年受無綫力捧,除獲安排主持不少綜藝節目,今年又被安排在翻拍經典劇集《十月初五的月光》,接演原版佘詩曼的角色「君好」。能夠獲高層力捧,肯搏絕對係原因之一,相信唔少觀眾仍然對佢喺《機場特警》中,穿短褲坐楊明大髀記憶猶新。

何依婷第一日為《陀槍》開工就要肉搏,雖然係借位,但都尷尬?(影片截圖)

喺劇中愛坐大髀嘅佢,在《陀槍師姐2021》中,又再重操故技,雖然短褲變成短褲、楊明變成鄭俊弘,但絲毫無影響觀眾入場程度。飾演社團話事人女友嘅何依婷,一出場就坐喺鄭俊弘大髀上,與對方扭作一團,不停狂錫對方,而鄭俊弘亦以「搜身」作回禮,埸面香豔。其後當鄭俊弘離場後,留下華Dee(羅子溢)同Hang機(關曜儁),對手唔同,何依婷一樣奔放,玩人肉層層疊之餘,又擺出多個撩人表情。其後嘅劇集講到何依婷之所以咁奔放,其實係因為受到毒品所影響,由於鄭俊弘被黑白兩道追殺,搞到佢都要為仔死為仔亡。

瞓身壓住羅子溢同關曜儁。(影片截圖)

對於又有大髀坐,何依婷接受《香港01》訪問時,指該場戲份其實係佢第一日為《陀槍》開工,加上又第一次見鄭俊弘,所以其實都幾尷尬:「不過導演同Fred都好好,事前有溝通,同埋有好多借位,錫錫都無真錫,坐大髀亦唔係坐到好埋。同埋導演好厲害,借位都可以拍到咁真實。」問到怕唔怕成日坐大髀會影響形象,何依婷坦言唔想有太多身體接觸:「自己之前講過,希望可以唔使再坐大髀,我都怕羞。」

點擊下圖睇何依婷演投大奔放

+37
發表評論...