黎明湊寶貝女坐2千萬遊艇出海 傳與女友Wing牛年趕生仔
撰文：鄺鈺瑩
出版：更新：
黎明自從做咗爸爸之後，已經甚少出席公開活動。（資料圖片）
黎明自從做咗爸爸後，行事作風更為低調，前年佢買入2千萬港元嘅意大利豪華遊艇時，有指係為咗同女友Wing以及愛女出海玩，之後又為女兒成立教育基金，認真鍚到燶。而喺過去嘅新年假期，黎明被影到帶埋女友同囡囡一齊出海玩，報導更指黎明想Wing放鬆心情，好為追仔做好準備，而如果成事的話，就會打破「四大天王外父」宿命。
唯一公開過嘅女兒照片。（FB圖片)
Wing本身係黎明公司職員，2018年為黎明未婚生女後，正式進駐黎明位於上水雙魚河市值約8千萬獨立屋寓所，雖然Wing母憑女貴，不過有指佢一直未掌握財政大權，其實以黎明吸金能力，生夠一隊足球隊都輕鬆養啦。