師傅有請︱朱千雪曾被指懷孕五個月　自爆有生B恐懼症：我好怕肥

由林盛斌（Bob）及麥玲玲一同主持的邵氏製作新一輯節目《Master's Talk》（《師父有請》），首集邀請到「2Line黨」成員朱千雪、湯洛雯、岑杏賢及蔣家旻任嘉賓。

現年32歲人妻港姐朱千雪在節目訪問過程中大吐苦水，直言很怕生BB：「因為我好怕肥，你諗下，喺我未生嘅時候，已經俾傳媒講到我起碼生咗三件，而報道出咗之後，最誇張係有個人同我講，話我有咗五個月。我心諗有冇搞錯呀！邊有五個月呀！有冇搞錯呀！而嗰日只係影到我喺巴士站度，做咗一個摸腰動作，就話我想嘔，睇到呢單報道之後，連我自己都猶豫，反問自己係咪真係有咗。」此話一出，令到在場其他嘉賓及主持哭笑不得。