余詠珊疑被削權 人事變動後現身回應:權力係冇乜意義

撰文:
最後更新日期:

最近曾志偉回巢TVB擔任高層,今天(18日)TVB公布志偉的職銜改為副總經理,專門負責綜藝、音樂製作及節目,而余詠珊之職銜改為助理總經理 (業務發展) ,會全力協助李寶安推動業務發展,不再負責綜藝節目。另外何哲圖將於2月28日離任,發展個人音樂事業。從即日起,TVB的音樂業務由曾志偉先生負責。

余詠珊接受各大傳媒訪問時候回應人事變動等問題,對於老公何哲圖離職,她說:「佢考慮兩三個月,過去佢喺TVB做咗400幾隻歌,同時要處理公司音樂行政都幾攰,如果時機許可最好自己出嚟做番個品牌,佢音樂領域方面覺得不如去做番自己個品牌。」

TVB大執位│曾志偉負責音樂及綜藝 何哲圖月底離巢余詠珊被削權

余詠珊表示:「呢幾年我花咗好多力去做新媒體。」(梁碧玲攝)

而自己的職權個變動,余詠珊表示:「呢幾年我花咗好多力去做新媒體,我覺得有少少忽略自己本業,我有少少兼顧唔到,所以跟住我同事好辛苦,因為幫我做咗好多新媒體嘅事。如果志偉返嚟,做得更好,我非常樂意見到佢幫手,可以幫到成個綜藝發展,我可以花更多時間做新業務,我相信志偉可以帶動TVB向更前走。」

但是這次人事變動,不禁令人聯想到余詠珊被削權,她坦言:「我唔想用呢個point睇,呢幾年我真係好攰,權力係冇乜意義,有權就有義務,呢幾年工作量好大,我有少少唔知自己點撐落去。依家有最好嘅人返嚟,對公司係好事。我成日覺得權後面好大責任,過去幾年我要背負好大責任,依家覺得唔洗背負,我係輕鬆。」

近年余詠珊負責的綜藝都被網友指質素差,余詠珊直言已經盡力了:「其實因為運動以及疫情,好多綜藝都拍唔到,好多原本計劃都取消,又冇得飛,我只好喺廠拍攝,其實有嘢出街已經好好。」另一邊廂對家ViuTv製作的《全民造星》系列深受網友愛戴,甚至覺得質素好過TVB的製作,對於這點她說一切也是看收視:「網民好熱愛個製目都要睇收視嘅,(但網民都係觀眾)我知道,但都要睇收視嘅照計。」

對於老公何哲圖離職,她說:「佢考慮兩三個月!」(梁碧玲攝)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。