湯怡結婚|麥秋成對太太呵護備至 感激郭富城到賀:捉住佢對手

撰文:
最後更新日期:

湯怡麥秋成下晝換西式禮服現身做訪問。(葉志明攝)

湯怡麥秋成選擇喺元宵佳節拉埋天窗,疫情下舉行小型婚禮簽紙成為合法夫妻。完成儀式及酒會後,一對新人喺下晝4點幾會見傳媒,應要求連咀三啖大曬恩愛。問到最愛對方啲咩,Kathy同麥秋成話:「最鍾意老公有耐性,我以前比較慢熱佢會耐心陪伴;阿怡對我好脾氣好好,性格好好。」

一對新人一直十指緊扣,做訪問時都輕攬老婆相當甜蜜:「仲未習慣人哋叫麥太,要開始習慣下。尋晚唔係瞓唔著,係太多嘢處理3點先上床瞓底,仲坐喺床上傾有無咩遺漏。上頭時好感動,睇住爸爸媽媽諗返好多嘢。」

提到接新娘時姐妹讚新郎好好乜都得,麥秋成笑指主要怕誤吉時。(葉志明攝)

疫情下只能宴請少量賓客,郭富城親身到賀令佢哋最為驚喜:「頭先見到城城嚟到好驚喜,即刻捉住佢對手,因為之前一直無confirm會嚟。真係對我好好專登抽時間嚟,我由細細個鍾意佢又一齊工作,佢嚟到好開心。」

+6
+6
+6

同場加映:湯怡結婚|郭富城出席婚禮 除咗老闆楊受成仲有乜賓客到場?

+6
+6
+6


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。