袁詠儀家中如Hermès珍藏庫 網友爆料:她也需要配貨

撰文:
最後更新日期:

袁詠儀鍾情Hermès到連生日蛋糕都係同Birkin款。(微博圖片)

袁詠儀向來鍾情Hermès,老公張智霖亦自爆屋企有齊Birkin、Kelly、Toolbox、Kelly Clutch、Lindy款式。

有網友日前在朋友家中遇上張智霖同袁詠儀

並分享了買包心得,原來袁詠儀都要配貨。

不時喺Hermès店被網民野生捕獲嘅袁詠儀,理應早已係VIP級別,想要咩款都輕而易舉。不過,日前有網友喺小紅書上分享,表示於朋友嘅生日會上遇到袁詠儀同張智霖,除大讚兩公婆勁nice之外,呢名網友更表示:「我們女生第一個就是問她Hermès包包,一直以為像她這樣的大咖,是不需要配貨,原來!她也需要的,這樣我就放心了。吃飯時跟她聊了很多Hermès拿包小技巧,但是說實話,那就是必須要有錢!」呢位網友更透露袁詠儀當日用嘅係灰色Kelly ado,價值約10萬左右。

袁詠儀老是常出現Hermès。

雖然Hermès曾經表示沒有配貨規定,但唔少網紅都分享過自己嘅「配貨潛規則」,有指Birkin、Kelly以及Constance呢三大包王基本上一定要配貨到指定金額先可以買到,而唔同國家或地區對配貨都有唔同方式,但大部分都係以1:1、1:15或1:2比例,即係如果你想買入一個10萬元手袋,首先要買10萬嘅Hermès周邊商品。

呢位台灣KOL曾經為了買入6.5萬嘅Kelly ,總共花了23.5萬配貨。

台灣YouTuber Sherry曾拍片表示喺越南旅行時,睇中一個價值約約6.5萬港幣嘅Kelly 25 ,店員向佢表示如果要買的話,配貨率是1:3。最後Sherry花了23.5萬元買入Constance短銀包、Kelly鱷魚皮長銀包、Verrou 21插梢包,才獲得心頭好Kelly 25,埋單總共30萬港元,並獲送贈一個吊飾。去年曾有傳袁詠儀到內地開工,完成酒店隔離後,第一時間去Hermès掃貨,一口氣買入6個手袋及16件衣服,雖然事後袁詠儀澄清只係買小錢包同帽,如今看來當時佢應該係配貨當中。

點擊睇袁詠儀Hermès珍藏

+26
+26
+26


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。