37歲李彩華結束19個月婚姻未再與前夫聯絡 坦言從未諗過會離婚

撰文:洪曉璇
出版:更新:
近年主力在內地發展的李彩華(Rain),19年2月與內地從事鋼鐵生意的有米男友Eric拍拖半年即閃婚!

37歲嘅李彩華19年2月,宣佈同拍拖半年,從事鋼鐵生意嘅內地商人黃彥書(Eric)閃婚,本身話會喺香港及大陸補辦婚宴,點知世紀疫情影響長期分隔兩地,最終去年9月結束短短19個月婚姻。剛完成內地劇集《家族榮耀》拍攝嘅Rain接受訪問時,坦言離婚後無再同前夫聯絡。

因疫情關係,李彩華(Rain)與老公Eric曾長達半年無見面。

去年11月李彩華宣佈9月時已離婚,強調不涉及第三者,主因溝通上出現問題,而且夫妻之間「發生咗啲事」,問題無法解決,工作觀念亦有出入,故決定狠心斬纜。李彩華接受訪問時表示當時老公支持佢繼續拍戲,但唔可以拍親熱戲。試過一次Rain喺網上以「最愛的攝影師」感謝對方影靚相,引來老公不滿直斥「最愛的」用詞不當,令Rain感到無奈。

李彩華從未想過自己會有離婚一日。(網上圖片)

據知李彩華同黃彥書一直經濟獨立,二人離婚後未有向對方爭取贍養費,事實上Rain北上發展多年早已係小富婆,至今手持12個物業,更遍佈香港、澳洲、英國及泰國等地,單單香港已手持4個物業,另在英國有4個商用物業,估計總市值過億。李彩華坦然自己從小覺得婚姻係一生一世,無諗過會走到離婚一步,但發生問題亦唔好拖拖拉拉,暫時都無考慮再婚問題。

+23
你可能感興趣