曾志偉牽頭與三大唱片公司「破冰」 黃翊勁興奮：新音樂朝代！
撰文：吳子生
出版：更新：
歌手黃翊和石詠莉（Sukie ）今日（6/3）齊齊現身觀塘出席音樂直播節目。提到在曾志偉拉攏下與三大唱片公司「破冰」促成聯手合作，再次凝聚本地樂壇。Sukie表示：「咁梗係好啦，因為可以多啲機會多啲平台亮相，對於歌手嚟講咁緊係感恩啦！因為宣傳我哋嘅廣東歌都係困難，咁所以希望大家都支持呢件事啦。」
黃翊同石詠莉齊齊出席音樂直播節目。（葉志明攝）
而黃翊就興奮表示：「其實發現呢幾年嗰啲頒獎禮，出現嗰啲賽果硬係有啲得意，成件好似好一面倒地，咁所以對於樂迷嚟講硬係好似少咗啲嘢，變咗成件事好似唔夠完滿。咁而家志偉哥走返出嚟，再次令新嘅音樂朝代走返出嚟。大家都知而前廣東歌係Hit到成個東南亞，香港近呢十年成件事都好似唔係好出，咁而家好似重新洗牌咁，希望香港樂壇有新氣象。」
黃翊希望香港樂壇再次發光發亮。（葉志明攝）
石詠莉期待香港樂壇再次凝聚。（葉志明攝）
+3