林德信拍電視微短劇孖林穎彤梁茵玩三角戀：劇本寫差唔多要全裸

林德信、梁茵和林穎彤（Bella）今日（27日）出席「HOY TV香港首部電視微短劇記者會」，三人在短劇中演出三角戀關係，林德信接受訪問時表示：「嗰場個個睇劇本嘅時候，劇本寫差唔多要全裸，拍嘅時候要話可以露幾多其實冇人咁講，攝影師又冇講，所以個個都喺度等緊，到最後我都係自己除晒啲衫，可惜就唔夠時間，如果你要呢啲要除衫嘅，我一定會用啲啞鈴Push up啲肌肉，我覺得嘥咗啲肌肉去騷啲線條，我諗係攝影師打燈師見得最多。」

林德信他笑言：「Bella都睇到好多，但係冇攝影師咁多。我都見到Bella着住浴袍，上面冇着衫。」Bella則回應：「係有着嘅，好似冇着衫咁。」林德信強調自己有着底褲。被問到太太會否呷醋拍攝床戲，他回應：「唔會嘅我太太不嬲拍戲嘅時候都要全程投入，好了解從來都冇問過我呢啲嘢。」