前TVB藝人郭子豪（Arnold）與2018年的「學霸港姐」鄧卓殷（Amber）近年轉型做情侶檔KOL，轉做KOL後吸金力比做藝人時更強。郭子豪去年在郵輪上向鄧卓殷求婚後，並已決定於下月（4月）正式拉埋天。

昨日（2日）鄧卓殷發文表示已經完成過大禮的儀式，更笑指未婚夫郭子豪「緊張到瞓唔着」：「感恩過大禮終於順利完成！多謝每位親戚朋友同兄弟，送上滿滿祝福，收到哂。過程真係好得意，就好似古時嘅提親咁，每樣細節都好有意義！」

從鄧卓殷分享的照片中可見過禮的禮物放滿整個客廳，單單是龍鳳鈪就已經有4對，其中一對更是超巨型，令鄧卓殷都不禁「哇」了一聲：「每樣金器手工都真係好精細好立體！好壯觀！」不少藝人好友都紛紛留言表示「恭喜」。