顏志恒（Benson）今日（15/3）現身將軍澳出席其首支個人單曲《浴室歌王》發布會。顏志恒接受《香港01》訪問時表示：「其實呢首歌我等咗幾廿年，今日能夠擁有一支屬於自己嘅歌曲，我係好開心。首歌由籌備到面世都用咗好耐時間，因為本身我自己都有正職，變咗係要夾時間錄音同拍MV。」

被問到MV中女主角是誰，顏志恒甜笑說：「今次嘅MV我係搵咗我太太同兩個小朋友一齊出鏡，為咗拍一個溫馨嘅鏡頭，我哋一家人喺等咗幾個月嘅時間，先等到嗰一刻嘅太陽美景，最後都完成拍攝。點解我會搵家人一齊拍，係因為我好想我第一支嘅單曲，能夠有佢哋嘅參與，我覺得除咗有個紀念之後，對我嚟講係有一個特別嘅意義係裡面。」