苟芸慧屢傳婚變正式復出拍廣告　9字終極回應財產分配狀況

苟芸慧（苟姑娘）今日（4/4）攜同愛犬現身出席校園巡迴啟動禮。愛心爆棚的苟姑娘接受《香港01》訪問時透露，高峰期家中飼養了7隻愛犬，每月開支超過5位數：「因為工作關係，變咗冇乜時間去照顧，加上身邊嘅朋友都好想養狗，於是我就將其中3隻狗狗，分咗畀3位朋友，其實係好唔捨得，不過我都會定時定候去睇佢哋。」

近年屢傳婚變的苟姑娘，早前受訪時透露全面復出工作，亦指出仍有文件處理中，令婚變傳聞甚囂塵上。對此，苟姑娘表示：「嚟緊4月尾我係會拍一個小小嘅廣告，咁希望一切順利。（無綫有冇搵你拍劇？）其實我就冇咁積極，因為呢排我就好忙，我諗遲少少先啦。而家拍咗廣告先，之後先再慢慢去傾劇集嘅嘢。」被問離婚簽晒紙未，她終於承認手續正在進行：「差唔多，我諗要啲時間。」（網民好奇財產點分配？）佢哋咁好奇呢啲嘢，我好多謝佢哋嘅關心，而呢啲就比較個人，就得自己慢慢去處理。（生活上唔成問題？）都Ok。（夠使？）其實我自己都有投資，咁所以就唔會太過擔心。」