虛擬情人｜朱敏瀚大騷44吋胸肌　王敏奕怕醜：冇人會唔鍾意

王敏奕（Venus)和朱敏瀚（朱仔）今日（28/4）現身觀塘出席無綫熱播劇集《虛擬情人》宣傳造勢活動。對於劇集今晚首播，Venus和朱仔接受《香港01》訪問時分別透露，指各有工作在身未能親身觀看劇集首播感到可惜，但二人堅稱會重溫MyTVsuper，緊貼住劇集的故事發展。

提到今晚首集朱仔先打頭陣，拋出震撼彈，大騷44吋胸肌完美身材，令一眾視迷大飽眼福。朱仔表示：「其實由我第一套劇要除衫俾大家睇嘅時候，之後我已經開始Keep住鍛鍊，加上每次除衫之後，就會知道自己嘅狀況，然後就會控制食量，發覺有邊啲嘅肌肉要修補，自己就雕吓雕吓，去到《虛擬情人》嘅時候，就係我最佳嘅狀態。」問到Venus是否喜歡肌肉男？她靦腆說：「我冇⋯⋯⋯（朱仔過分大隻？）我又冇咁樣諗。身材好冇人會唔鍾意嘅。但我鍾意我鍾意嘅人，佢係點我就會鍾意。（講緊屋企嗰個！）總之我鍾意嘅人，佢係點我都鍾意，肥肥地都Ok嘅。」