早前一段捉姦在床影片在網上瘋傳，拍片女子指控其任職健身教練老公，在自己開設的健身室同另一女子疑似鬼混。大婆更在網上直接開名指控小三是網路創作團隊小薯茄成員吳冰親妹吳泳，事件在網上惹起熱話。事後吳泳就事件向大婆道歉，並保證以後不再見面，受害人妻神回覆「下次快啲着衫走」。

今日（29/4）吳冰現身西貢出席運動會，就事件接受《香港01》訪問時表示：「其實佢唔係圈中人，咁所以我就唔想講太多，而今次就係我最後一次去講。（事件有否為你造成壓力？）我而家係好好嘅，而我最近就係忙為呢個賽事，咁所以就冇咩特別。（有否安慰阿妹？）我唔回應，我想俾啲空間佢哋。（有冇因事件影響工作被取消及延期？）以我所知係冇嘅，多謝大家關心，唔好擔心我。（阿妹有冇同你道歉？）我唔講咁多。（偷食男事後燒炭自殺有冇嚇親？）唔回應。」