鄧梓峰大女鄧瓊芝（Natalie）今午出席活動，平日有擔任模特兒、攝影師、DJ的她，接下來會到歐洲打碟，問到爸爸平日會否捧場，她表示多常在夜店打碟，爸爸較少夜生活，但如果對方能到場支持絕對開心。「希望會喺攝影方面同爸爸合作，之前都有幫佢影過，父女檔搵錢都唔錯。（爸爸係好model？）佢上鏡，同埋佢愈睇愈似巴斯光年，成日都覺得迪士尼應該要畀佢免費入場。」

同場女團VIVA將迎成成軍一周年，屆時會有見面會，她們均表示十分期待，又會準備福利回饋大家，當中包括新歌，提到快將推出的新歌，其MV較有故事性，需要交戲，由於馬思惠（Macy）有拍戲經驗，所以較快上手。

另外，提到張鈊貽（ValC）早前被網民影到與男生一齊搭地鐵，疑似有戀情，為此，她特別作出澄清：「我哋都係慳錢女團，盡量搭交通工具。（男仔同你嘅關係？）同男性朋友出街都好正常，無拖手。」ValC指有不少跳舞的朋友，目前專注工作，問到有無追求者？她說：「自己都搞唔掂，點追？」