黃翠如和洪永城今日（21/5）現身中環出席品牌活動。黃翠如早前在社交平台自爆生B後患有多種痛症，加上在懷孕期間受脫髮困擾，令網民擔心不已。

新手媽咪黃翠如接受《香港01》訪問時表示：「啲痛症主要係手，因為好多時都要用手去湊BB，同埋母乳嘅痛，我係覺得好痛。不過而家所有嘢我都Ok，而我亦覺得好多媽媽都經歷過，我係好佩服佢哋，所以做媽媽真係好唔容易。」

講起脫髮情況，翠如表示：「好彩呢一刻還好，因為知道生完BB之後，荷爾蒙會有變化，造成脫髮問題，所以都冇得擔心，而我身邊有朋友都經歷過，好彩之後係生得返啲頭髮出嚟。（生完B記性係咪差咗？）係呀，好多時個腦想表達嘅嘢，把口都講唔到出嚟。又或者明明嗰一刻有嘢要做，就會突然間係會唔記得自己想要做乜。呢個情況成日經常發生。」洪永城接著說：「咁所以你就唔好約人，同埋唔好借錢俾人。」