莊子璇（Hilary）今日（5/6）現身將軍澳電視城出席《2025香港小姐競選》「全球招募 最後召集」記者會。對於近來被傳與郭晉安「父女戀」，惹全城熱話。莊子璇接受《香港01》訪問時表示：「屋企人應該有睇到相關報道，但佢哋就完全冇問過我呢件事。（提都冇提過？）因為大家都知道唔係真。（一句半句表態都冇？）一句半句都冇。」

對於「父女戀」事件家人隻字不提，會否感到意外？莊子璇表示：「唔會，因為佢哋從來都唔會問我呢啲嘢，同埋之前啲新聞都唔會問我。（會唔會關心工作辛唔辛苦？）咁呢個會，經常都會問我攰唔攰呀，同埋無論幾多點，夜到1至2點，媽咪都會出嚟」問我飲唔飲湯，肚唔肚餓。」