黃靖靈（波波）今日（16/6）現身將軍澳電視城出席《大師兄Welcome Summer大激戰》記者會。對於兩月大都柏文狗女遭人剪耳縫紙杯，颱風下遭棄奧海城公園染病毒終不治，事件在網上引起關注。

本身有飼養狗隻的波波接受《香港01》訪問時大感痛心：「我諗唔明點解可以做得出去剪佢耳仔，見到隻耳仔縫咗好多針，真係太過殘忍，稍為有少少人性係唔會做得出，我完全冇法想像呢隻小狗生前所發生嘅事，同經歷嘅痛苦係會點樣，而我哋見到只係一個結果，我覺得做出啲咁嘅行為嘅人，簡直唔係人。」