53歲鄭中基與余思敏結婚13年，婚後育有一子一女，今年2月傳出婚變，鄭中基4月時被影到現身灣仔家事法庭，但就未有任何回應。今早（17日）約10時50分，鄭中基與爸爸鄭東漢乘坐白色七人車抵達灣仔的家事法庭，參與閉門聆訊。身穿啡色西裝外套的鄭中基神情輕鬆，見到媒體守候亦有打招呼。鄭中基發聲明回應支付贍養費8千傳聞　直指失實坦承正在辦理離婚

鄭中基與爸爸在約1點30分離開家事法庭，他接受訪問時透露向法官申請並獲批可出聲明，問到是否與8000元贍養費有關，其父即代答：「太多不實嘅嘢，嗰八千蚊係其中一樣。」而撫養權部分，鄭中基表示：「爭取中，我都係尊重法庭，所以之前一路無同大家講咁多嘢，因為要問到法官畀唔畀先同大家講。（小朋友心情有無受影響？）小朋友OK。（有無同小朋友解釋發生咩事？）嗯。（佢哋係咪同你住？）一半一半。」問到鄭父之前提到不想影響其他人，他即表示：「你見我企喺度，你話呢？（今年父親節係咪好難受？）你見我喺度過就知。」