佘詩曼一個Birkin用足7年 鍾情Hermès 白色袋款唔怕污糟

撰文:鄺鈺瑩
出版:更新:
佘詩曼個Birkin手挽位置未有綁上Twilly Scarf,反而有隻Fendi Zesty Monster ,好童真(微博圖片)

佘詩曼上月難得回港過年,即時四圍去朋友。小休過後,阿佘日前繼續北上賺人仔,完成隔離之後嘅佢,現身上海機場,手挽白色Hermès Birkin包包,再配上已斷市嘅Fendi Zesty Monster Key Chain,貴氣之餘又不失童真,雖然手袋再匙扣逾18萬,但對吸金力極強嘅阿佘來說絕對濕濕碎。未知係未因為終於完成隔離,阿佘心情特別靚,沿途不停同粉絲吹水,有粉絲大讚佢國語進步不少,阿佘就話一直有搵老師惡補,仲即場示範北京口音嘅國語。

無論係Birkin定Kelly,阿佘都揀白色。(視覺中國)

其實呢個白色Birkin,阿佘早在2014年時已經入手,不過當時佢就扣上Chrome Hearts 銀鏈,較為型格,一個Hermès用足7年,仲可以保持得咁新淨,確係惜物。而除咗Birkin之外,阿佘仲有一個白色Kelly 32,炒價約為23萬元。

手上呢隻Daytona已屬古董級別,炒價80萬左右。(IG圖片)
勞力士6263 有白面黑圈或黑面白圈兩色。(網上圖片)

阿佘在2016年離巢後成立個人工作室,人氣及身價一直高企,劇集、電影及品牌代言不斷,吸金力極強,作為圈中小富婆的阿佘在打扮方面亦相當講究,由日本Maison Mihara Yasuhiro、Sacai到國際品牌FENDI、Dior、Balenciaga通通都係佢出身出現過。至於手錶方面,阿佘似乎較為鍾情勞士力,由4萬多元嘅Oyster Perpetual 36,到極難入手、炒價逾80萬港元嘅古董Daytona Big Red 6263,阿佘都能夠輕易擁有。早前佢喺香港時,就曾經戴住呢隻80隻「玩具」去探梁靖琪兒子Roman,仲母性大發餵對方食飯。

點擊下圖睇阿佘減齡衣著配搭

+5

同場加映:楊丞琳連環孭Hermès Mini Lindy 索價5萬連VIP都未必買到

+9