黎彼得離開TVB後轉跑道做YOUTUBER，在網上節目《玖噏秘笈》發表言論，日前評價將於8月開紅館演唱會的夏韶聲，他竟表示：「佢而家真係好笑喎，無端端重出江湖，做咩演唱會啫？」夏韶聲出席活動時亦反擊：「「哦，呢個阿叔呀！佢未有呢個級數、資格去評我喎！」

黎彼得擔任HOY TV廚藝比拼節目《領廚爭霸戰》嘉賓評判時，對自家網上頻道發表惹火言論，狠批「阿豬阿狗都開到演唱會」，他就表示是故意的：「而家網上嘅內容如果唔係講負面嘅話呢，就冇流量，所以我係特登嘅，正面嘅嘢冇人睇㗎！網上嘅人最鍾意亂噏，咁我咪畀佢哋亂噏囉！好似開party咁！其實阿豬阿狗開演唱會真係唔關我事！我好少睇演唱會同埋出現喺後台，我最後一次睇演唱會已經係因為胡楓嘅契仔張學友做《雪狼湖》，叫我去支持一下！所以阿豬阿狗開演唱會其實真係唔係好關我事！」