獨立音樂人 Anna hisbbuR(安娜 希斯堡)今日（12/9）現身金鐘出席品牌活動。對於以獨立音樂人身分出道4年，面對資源與製作成本不足及收入不穩定各種挑戰，Anna接受《香港01》訪問時直言很難捱，不時有放棄的念頭：「其實有陣時係會覺得好攰，就好想放棄俾自己休息。」

被問到是否看不到前景而感到身心疲累？Anna續說：「我覺得好多時候因為要一個人做好多嘢，變咗個人身體好攰，身體好攰，就會令到個人嘅內心都會好攰，變咗嗰啲時間就休息吓做吓其他嘢。（收入唔穩定？）其實收入一直都唔穩定，唯有勤力啲寫歌造音樂。（戶口試過剩餘多少錢？）其實我好早就想做呢行，咁所以一直都有儲一大筆錢，咁所以我嘅財政狀態係一直Keep住生活到，有就食多啲，冇就食少啲咁囉。」