海兒今日（29/9）現身香港東九文化中心，出席有份參演原創粵語音樂劇《一束光——高錕的記憶》記者會。海兒接受《香港01》訪問時表示：「今次喺呢套音樂劇入面，我係演周國豐嘅太太，有佢傍住我，加上每句台詞都幫我執到正一正，我覺得好榮幸。」

對於有傳炎明熹過檔英皇，海兒笑言：「其實都係嗰幾間公司，相信好多都傳過晒。（期待炎明熹加入？）我就覺得一間公司有唔同類型嘅音樂人才，都係一件非常好嘅事。（曾比特傳加入英皇？）我覺得唔同嘅人才加入係一件好事，可以同唔同類型嘅音樂人學習。」

問到會否擔心公司歌手越多，資源分配上會被減少？海兒笑言：「咁我又唔知喎，我女高音好似無人喺嗰塊餅度喎，不過我又唔覺得有啲咁嘅事囉，因為每人都有起有落嘛，冇話分幾多幾少。」