TVB戀愛真人騷《女神配對計劃》早前圓滿結束，節目成功為三對人氣CP配對成功，包括有葉蒨文Sophie及曾展望GM；羅毓儀Yuki及林俊其Kris；梁敏巧Maggie及劉啟進。不過有指羅毓儀執陳瀅二攤才成為五大女神之一。

羅毓儀今日（3/10）現身旺角出席美容院新店開幕，就事件接受《香港01》訪問時表示：「其實嗰陣時十劃未有一撇，都未完全落實係陳瀅，就算連個節目名同形式都未決定，而我最近見返陳瀅佢竟然唔記得咗呢件事。」

對於被指執二攤，羅毓儀表示：「反而我唔係執佢二攤，我係執戴祖儀二攤，因為印象中佢係出咗海報，而我係小紅書度見到。嗰陣時見到，我係覺得好可惜點解唔係我，我冇得搵另一半。但轉頭就搵我，可能當時戴祖儀係撞咗其他嘅工作。」