無綫（TVB）劇集《新聞女王2》現正熱播，蔣祖曼Joman飾演的白書昀Diana型格Look首登場，引起大家注意。白書昀的「型男」形象引起熱討，不少網民更睇到心心眼，表示她和「新聞女王」十分登對，極有CP感！

近日，在網上流傳一張蔣祖曼與佘詩曼激烈親吻的劇照，引起網民哄動。今日（16/11）蔣祖曼出席劇集宣傳活動時接受《香港01》訪問，提到這張「劇照」，她也大表震驚！「睇咗啦！嗰張圖！其實係喺Facebook度自己彈出嚟。開頭第一個反應係，我有拍過咩？幾時嘅事嚟㗎？都有好多朋友send嚟，記者打畀我。」

「點解我拍咗唔記得嘅呢？好好笑呀，我覺得都幾好呀，大家睇完之後會做啲二創，因為大家睇得投入，係一件好事。（如果真係拍？）完全冇問題，其實我好耐之前都拍過一套les（同性戀），所以唔抗拒。都係嗰句劇情需要係可以嘅。（同佘詩曼拍？）絕對冇問題啦，仲好添！只要佢唔介紹就OK啦。」