支嚳儀今日（ 9/1）現身尖沙咀出席《同心同路·聲動香港》慈善音樂會記者會。對於《中年好聲音》參賽者林俊一被控多項非禮及普通襲擊罪，涉及多名男學生，包括一名未成年人士罪成，法院將於2026年1月26日判刑，支嚳儀在接受訪問時亦直斥行為令人髮指。

支嚳儀接受《香港01》訪問時表示：「我係有睇過嗰單新聞，但我同佢參加《中一》嘅時候係冇接觸過，我覺得佢嘅行為係令人髮指，我覺得全香港嘅人對佢所有嘅事都會好嬲。（會否教導小朋友提防保護自己？）我會。人心好難去就咁睇嗰個人嘅表面，咁所以我都會教自己小朋友，如果有遇到任何少少或者奇怪嘅事情，要相信自己，係咪感覺唔對路，就要逃離現場，然後過畀身邊人知道。」