梁兆楹（Shirley）日前為HOY TV賀年節目《開飯啦》錄影，一向廚藝了得的她就透露會為大家炮製簡單又不失睇頭的賀年菜，令人期待！提到去年Shirley與老公伍富橋拋頭露面在維園年宵擺檔，售賣自家品牌「肉球商鋪」原味、櫻花蝦XO醬及紅燒鮑魚，反應不俗，她透露今年將會這項艱鉅的計劃：「今年都會，我會企足咁多日，歡迎大家嚟搵我哋！（老公會唔會撐場？）會呀，我已經MARK咗佢㗎啦，如果大家想可以叫佢唱歌表演助興。（只要買XO醬同鮑魚做乜都得？）無錯。」

伍富橋酸溜溜出 PO 稱無工開？　Shirley急澄清

至於伍富橋出PO酸溜溜指自己無工開，而老婆就好早出去拍嘢，對於自己曝光率勝過老公，Shirley解釋：「其實唔會，佢應該特登咁講，因為佢陣間就飛泰國打比賽，純粹PO一PO。（佢打咩比賽？）佢打Pickleball。（佢打到咩境界？）佢已經打到去一個忘我嘅境界，打到幾叻我就唔知，但一定係忘我。」Shirley更透露老公計劃行運動員路線，目標是代表香港出戰。