陸浩明孖女友一齊做帶貨直播 驚失寵要靠肥媽開拓新市場?
撰文：鄺鈺瑩
出版：更新：
上月陸浩明與女友陳詩欣（Ayan）齊齊現身肥媽直播。（影片截圖）
曾志偉回巢無綫後，曾有傳由余詠珊推薦入台嘅「余黨」黃翠如、洪永城、陳貝兒、陸浩明、衛志豪、區永權前景十分危險。身為陸浩明契媽嘅肥媽（Maria Cordero）早前開口大讚契仔有才華，並唔需要擔心無工作。
上星期又嚟，今次目標好明確，就係要帶貨直播。(影片截圖)
愛「子」深切嘅肥媽，其實每個星期六晚都會喺FB開live做煮餸，向來都獨擔大旗嘅佢，上月搵嚟陸浩明及其女朋友陳詩欣（Ayan）出鏡，不過，同喺《食平D》節目入面一樣，陸浩明主力行行企企同吹水，雖然對直播嘅作用不大，但肥媽喺剛過去嘅星期六，又再搵嚟陸浩明，二人繼續入鏡圍觀直播，期間唔多出聲嘅Ayan突然持出一盒日本蠶絲蛋白啫喱，並講解其減肥作用，雖然肥媽表示唔需要減肥，但為照顧呢位「新抱仔」，都繼續幫Ayan帶貨直播，甚至預留30分鐘，同「新抱仔」一齊坐低賣貨，認真唔話得。
Ayan似乎勁怕羞，直播時又唔多出聲，次次都要肥媽CUE。（影片截圖）
連折扣碼都準備埋。(影片截圖)
點擊睇陸浩明的幸福生活：
+20