日前郭嘉駿（193）在ViuTV節目《晚吹 - 男人亂講嘢》大爆一位「何姓朋友」的酒後瘀爆事蹟，指結帳時，眾人本著「識規矩」的默契，讓「何千金」埋單。誰知「男何」突然高喊：「我畀！你唔好同我爭！」更爆出一句：「你係咪睇唔起我哋啲窮人呀？」結果被灘叔一句「Dee！講埋啲咁嘅嘢」即場「出賣」，令觀眾秒懂此「男何」何啟華（Dee哥）。

何啟華案件重演

何啟華昨晚（9/2）現身圓方出席活動，他接受《香港01》訪問時笑言：「其實嗰個節目我都有睇，咩『男何』、『女何』，但我就唔知佢講緊邊個男何，我諗如果我係男何，我會諗當時佢可能唔係嗰個語氣。（你演繹一次！）我代替嗰個男何去演繹吓『你係咪睇少啲窮人埋單呀？』可能就係咁樣，你知193有孟加拉效應，所以會加多咗啲層次喺嗰度。」被問到飲酒時習慣自斟自飲？何啟華笑言：「而家冇啦，戒咗酒啦，好少啦。（會咪嗰次之後就戒咗啦！）係呀。」