昔日的「東張女神」阮嘉敏（Mandy）入行10年，演藝之路一直浮浮沉沉，由外景主持到劇集配角，雖然形象入屋但始終欠缺代表作。不過Mandy 近日勇闖內地市場，首度擔正「女一」主演微短劇，結果火速爆紅，網絡瀏覽量竟於短時間內衝破 3,000萬人次，成功開拓事業新版圖！

拍微短劇意外有好成績

阮嘉敏昨晚（30/3）現身紅磡出席無綫熱播劇集《正義女神》宣傳活動，接受《香港01》訪問時表示：「其實我真係估唔到有咁好嘅成績，記得當初去西安拍呢套短劇，佢哋都話我知，我係第一位到西安拍短劇嘅香港演員，當時我壓力係更加大，自己都好擔心網上嘅點擊率。相反佢哋安慰我，叫我平常心。」

爆紅後信心倍增

阮嘉敏續說：「其實原本想慶功，但因為喺西安。（片酬會否提升？）咁呢個要問客戶同公司，我諗多咗啲曝光啦，同埋出街真係多咗人認識嘅。最開心嘅係，好多觀眾都問我幾時再去拍，呢個係我入行以嚟，係第一次會感受到呢個氛圍。」