韓馬利自爆患腦膜炎期間嚴重斷片:姑娘同我講返試過偷走兩次

撰文:鄺鈺瑩
出版:更新:
韓馬利身邊有朋友的親戚也患上腦膜炎,一個因不感自理而被安排到老人院,一個到時在亦未甦醒,所以十分慶幸自己的情況。「醫生話我喺鬼門關行咗兩圈」(影片截圖)

韓馬利(Mary姐)於2019年曾因腦膜炎入院半個月,她在康復後曾坦言一隻腳已踏進鬼門關,日前她接受馬浚偉嘅《緣來自咖啡2》提到,從前工作佔去自己大部份時間,但病癒後有感需要過一點更充實的生活,首要做就係修補同老公燕哥(杜燕歌)嘅關係。「因為以前我忽略咗佢好多,我祈禱讓我戀慕我丈夫,好感恩禱告之後對佢嘅眼光唔同晒,以前覺得佢好stupid嘅嘢,而家會覺得好得意。」

韓馬利大病過後,不再將工作放在首位,並花時間修補與老公杜燕歌的關係。(微博圖片)

韓馬利表示自己生病時,完成感受到老公的關心,看到對方推辭工作照顧自己後,亦有所反省。「我同佢say sorry,同佢講以前忽略好多佢感受,試過幾次佢大病,我放低啲藥叫佢自己食,然後就去開工,結果佢自己入咗醫院,我仲話『發燒咋喎,要唔要入醫院呀?我開工,你聽話,聽日嚟接你』你諗下,有個咁嘅老婆,以前唔覺得自己咁衰。」她表示經此一疫後,老公很多事都不再告訴她,認為講都無用,開始各自各生活,直到自己大病過後,才將問題揭開,並慶幸能夠有機會修補。

韓馬利當初發燒時仲唔想去醫生,但老公因為見她呆呆哋,所以堅持帶她到醫院。而韓馬利最後的記憶就是醫生要她留院。(影片截圖)

韓馬利表示過往生病都不會去睇醫生,但19年發燒時,老公提議她去睇醫生,原來是因為看到她當時十分呆滯。「坦白講,醫生一話完我要入院,我所有記憶都斷晒,其實我入院三個星期。我無記憶到,有姑娘同我講,有兩晚我拎住手袋去搭電梯,好在佢哋見到捉住我,我問『你哋做咩捉住我?我今晚要拍兩場大打戲,一定要返工』,其實試過兩次,亦試過突然會去洗手間沖涼、搵花灑淋自己,但呢啲我係完全無記憶。」韓馬利說住院期間,朋友去探望她時,看到她詞不達意且十分呆滯,都認為她「就快唔得」,幸好第二星期她開始回覆正常、有意識。韓馬利表示自己情況最差時,一日只食一隻雞蛋,「醫生一叫我食嘢就喊,一隻雞蛋已經係極限。」

同場加映:雙祥見|阮兆祥憶莊靜宜性感經典 難忘高海寧扮紫荊俠:無揀錯人

+5