姜濤昨日（29日）於啟德體藝館舉辦27歲的生日會，預祝他4月30日生日。生日會上姜濤分享了不少心路歷程，除咗承認自己留級兩次，及只讀到中一之外，姜濤亦有坦承出道之後經歷多個崩潰點。

姜濤曾打玻璃兼鬧人

他說：「第三個崩潰點⋯⋯可能好多人以為係掃掃掃嗰嘅事。其實掃掃掃之前嗰段時間，我已經漸漸開始崩潰，我做嘢嘅時候會打玻璃、會鬧人、會對客人不禮貌。當時人話飄呢，係會飄嘅。喂，講真咁快紅，點會唔飄呀？但我會感激身邊啲人帶我返嚟，嗰個就係人生第三個崩潰點。」

「第四個崩潰點就係，廿六歲呢一年，好彩今日廿七歲，廿六歲呢年經歷過啲咩崩潰嘅事，我就將來先同大家講因為太長，咁但係⋯⋯總之⋯⋯(台下fans想他說)我生日我話事ok?總之我就叫捱過咗啦，好希望自己嚟緊新嘅一歲有越來越好嘅表現，無論係做人、做事、表演上。」