「最強小三」鍾睿心（五索）過去因與大生銀行主席馬清鏗維持長達十年的婚外情而為人熟知。五索好生養，於2014年與前夫育有一子，其後與馬清鏗相戀，並分別在2018年、2019年、2021年及2023年為對方誕下四名子女，組成大家庭。經歷過多次懷孕的她，日前在社交平台拍片，大談「坐月做過最爆」的事，竟然是親自下廚將自己的胎盤吞落肚！

醫院姑娘推介「胎盤奶昔」：好飲好Refreshing

五索在影片說：「我坐月做過最爆嘅事，食返自己嘅胎盤。」她解釋，由於自己分娩的醫院有很多外國人產子，因此流行一些較為特別的補身方法。「佢哋話最佳嘅食法係生完，即刻將嗰個胎盤，加埋啲奶Blend做奶昔，加埋啲香蕉同埋士多啤梨，佢哋話好好飲好refreshing嘅。」

淆底放冰格一個月 終自製「胎盤餃子」

面對這杯「胎盤奶昔」，五索坦言最初難以接受：「一開頭我都覺得呢件事係非常之恐怖，但係後尾畀嗰啲姑娘說服到。」雖然被護士打動，但到了臨門一腳她依然過不了心理關口：「但係因為我淆底嘅關係呢，我哋拎咗返屋企放咗冰格到成個月。」

將胎盤雪藏一個月後，五索突然改變了主意：「後尾我開始諗，其實啲狗生完之後都會食返自己嘅胎盤。」為了補身，她決定親自處理這塊肉，並以自己的方法烹調：「我係用咗佢嚟煮熟做一粒粒嘅餃子。」

腥臭味極嘔心 嘆處理不當成「錯誤示範」

怎料，這頓精心炮製的「胎盤餃子」卻成為了她的惡夢。五索憶述食用的感受時面露難色，直言難以下嚥：「一食嗰陣時好想嘔，嗰種腥臭味，好嘔心好鬱悶。」她隨後意識到問題所在，自嘲這是一個錯誤的示範：「然後我就知道我應該係雪藏期間錯誤處理咗一嚿肉，即係可能變壞咗。」

經歷了這次慘痛教訓，五索事後才了解到正確的處理方法：「其實佢哋話如果拎到返屋企，係應該要交畀專業處理胎盤，唔知咩公司整Capsule（膠囊）。」不過，一向大膽的她最後竟表示，如果時光倒流，她的選擇出人意表：「但係如果畀我揀多一次，我可能會即刻Blend做Milkshake。」影片最後，她亦不忘與網民互動：「你哋有做過坐月有咩最爆嘅事，歡迎分享下。」