TVB歌唱真人騷《中年好聲音4》今日（23日）舉行於啟德體藝館決賽，作為始創人的曾志偉亦有現身支持，他接受傳媒訪問時分享了對《中年好聲音》步入第四季的感受，以及自己離開TVB「搞公司」進軍AI領域的最新動向外，更首度開腔回應早前在香港拍攝作品《狩謊》時發生的嚴重受傷意外。

對於衛詩雅在《狩謊》拍攝期間受傷入院，曾志偉受訪時神情凝重，坦言事發當刻已得知消息：「當時我知道佢已經入醫院，跟住就唔想騷擾佢，跟住佢就攞獎，就恭喜佢。而家已經開返工，咁我覺得係呢個意外，大家都唔想始終都係意外。最可幸嘅就係佢攞返個金雞百花獎，呢個係咁多年佢努力佢應得嘅嘢嚟㗎，當時我睇電視，我自己都好開心。」

當被問到日後會否加強拍攝的安全措施以防患未然時，經歷過無數片場風波的曾志偉無奈表示，意外往往是「意料之外」，實在難以完全防範：「無得慎防，始終咩叫意外，就係意料之外，佢發生個過程都係冇人會諗到咁樣會受傷，同埋會咁嚴重。所以拍戲就係咁梗有㗎，見到好多更嚴重嘅都有，但係拍戲其實我覺得唔淨止拍戲，所有嘢都係意料之外嘅嘢，就大家都沒意料唔到，其實無人會想發生嘅。」

再者就是被問到會否讓旗下藝人要小心點時，他指：「即係我都話意外，就係你諗唔到插錯腳又係一個意外，你見咁多演唱會好多人跌咗落去個升降台又係意外。好多意外大家都想小心啲，但就發生咗，所以真係無得講。」他亦以過來人身分透露，自己在多年的演藝生涯中見盡不少更嚴重的片場意外，強調「冇人想發生」，只能寄語演員們在拍攝時要加倍小心。