古天樂內地捐建百多間學校　用自己命名原因原來相當暖心

古天樂出名係大忙人，電影一年拍幾部，近年又做埋演藝人協會會長、香港電影工作者總會會長，但一直都堅持默默行善，由08年起喺內地捐錢起學校，已經有成百幾間，最近有網友上載最近完工投入服務嘅第133間幼兒園。

據知單係去年疫情期間，古天樂都捐建4間學校，包括孫崗小學古天樂第132教學樓、城關鎮中心幼兒園古天樂第133教學樓、茂盛完小古天樂第134項目實驗綜合樓、及羊磴鎮古天樂第135教學樓。對於每間學校都用自己命名，古天樂之前曾回應指如果學校出問題，方便直接搵佢負責。