逆天奇案｜群星拱照金像影后客串 除王賢誌現身仲有力捧小生回歸
撰文：洪曉璇
出版：更新：
《逆天奇案》2019年9月開拍。（資料圖片）
2019年9月開拍嘅《逆天奇案》，完成拍攝足足一年未播，早前成為2021年香港國際影視展推介劇集之一，睇嚟播出有望﹗仲有新預告片曝光，原來呢套戲好多藝人客串，有金像影后，仲有久未於香港露面當年受力捧嘅小生亮相。
《逆天奇案》成為2021年香港國際影視展推介劇集之一。（網上截圖）
由陳展鵬、林夏薇及黃智賢領銜主演嘅《逆天奇案》，係懸疑警匪劇，預告片中見到客串藝人相當多，影后鮑起靜、米雪、農夫、艾粒、JW、羅霖、王賢誌、錢小豪等，麥玲玲演仲獻出第一次，演闊太於螢幕前爆粗。
影后鮑起靜客串《逆天奇案》其中一個單元。（微博圖片）
點擊睇下邊堆藝人有份客串：
+29
當年被TVB力捧，少年五虎之一嘅朱健鈞都驚喜現身﹗對上一次演出無綫的劇集，已經是2007年的《鄭板橋》中飾演鄭墨，總監製劉家豪曾於《香港01》訪問中透露，此劇監製陳志江穿針引線邀請朱健鈞回TVB拍劇：「全劇有十個case ，人物眾多，他只是客串其中一個單元，劇情就唔想爆住！接到邀請就爽快答應。」