【致命復活大結局】郭晉安對視帝寶座平常心：陳展鵬都做得好好
撰文：郭敏玲
出版：更新：
郭晉安憑《致命復活》同拳佬爭視帝，爭得如火如荼呀！（梁碧玲攝）
四星期前開始全城估誰是Final Boss的劇集《致命復活》，今晚終於來到大結局，要揭開謎底！一眾演員就相約到尖沙嘴食飯睇大結局。一直盛傳《致命復活》最後會有兩個結局，監製林志華就話：「睇完你就知係咪兩個結局！（點先知係兩個結局先？）真係要睇到最後先知，唔好行開呀，會甩㗎！」
有冇兩個結局？監製林志華話一定要睇到最後。（梁碧玲攝）
張國強之前就揭開了不是黑手啦！（梁碧玲攝）
問到郭晉安劇情去到最後會點？他也保持神秘：「頭一個鐘頭呢，德斌就會死，之後嘅一個鐘就會慢慢揭開成件事嘅來龍去脈，真係去到最後先知。」明晚就係台慶頒獎禮，安仔有無信心超越祥仔（黎耀祥）同撈家（羅嘉良），成為四屆視帝？他就說：「這就要看觀眾想不想成就這件事啦，都是平常心吧。（聽說是你和陳展鵬之爭？）其實大家都做得好好，都有機會贏到獎。」
唔知心姐係咪真．Final Boss呢？（梁碧玲攝）